Мэдлэг хэзээ ч илүүдэхгүй

Гуйна гэдэг гутамшиг биш
Гуйлгана гэдэг гайхамшиг биш
Хаяна гэдэг гавъяа биш
Хаягдна гэдэг онигоо биш

Хайрын тухай сэтгэл дэх шүлгээн аяархан шивнэвэл
Хаврын салхи авч нисээд түүнд минь хэлчихэж мэднэ
Найдаж хүлээгээд хэрэггүй гэх шиг намуухан үлээгээд
Надад салхи хайрын шүлэг шивнэхгүй удчихна
Сэтгэл дэх гунигаан шүлэг болгон уянгалуулж
Сэм сэмхэнээр эгшиг нэмэн байна уу би
Чамд дасчээ гээд хэлчихэж зүрхлэхгүй хэрнээ
Час улаахан даашинзин дээр нулимас унагаж сууна уу чи
Дурласан сэтгэлээ барьж дийлэлгүй гуниглачихвал
Дугариг саран олж хараад надад хэлчихэж мэднэ
Санаж хүлээгээд хэрэггүй гэх шиг уйтгартай ширтээд
Саран чамд хайрын тухай ярихгүй удчихна
Сэтгэл дэх гунигаан шүлэг болгон уянгалуулж
Сэм сэмхэнээр эгшиг нэмэн байна уу би
Чамд дасчээ гээд хэлчихэж зүрхлэхгүй хэрнээ
Час улаахан даашинзин дээр нулимас унагаж сууна уу чи

Насыг минь бvv асуу
Намайг зуны бороо гэдэг
Нэрийг минь бvv асуу
Нэгэн хаврын цэцэгс гэдэг
Гомдохдоо тайтгарах нулимстай
Гоёхдоо чимэглэх инээдтэй
Салах учрахын цэг
Cap жилийн хэмжигдэхvvн

Хайранд чирүүлсэн сүнсээ аваад хорвоогоос би явлаа
Хаашаа гэдгийг нь сонирхоод хэрэггүй ээ
Үснийхээн ширхэг бүрийг замдаа би орхиноо
Үхмээр санагдсан үедээ түүгээр замаа олоорой

Дэрвэж нисдэг шувуу болоосой
Дээрээс чинь үргэлж харах юмсан
Өөрийн чинь дуртай сүрчиг болоосой
Өвөрөөс чинь үргэлж үнэртэх юмсан

Харлачих вий зvрх нь гэж би шимшрэнэ
Алдарчих вий итгэл нь гэж би хичээнэ
Хєрчих вий сэтгэл нь гэж би зовнино
Хайртай гэж хэлэхээ мартахгvй юм шvv чамдаа

Чамайгаа харах гэж тосдог байсан замаараа
Чамтайгаа хvvгээ хєтлєлцєєд алхах би жаргалтай
Энэ замын эхлэл чиний минь хайранд бий
Эцэс тєгсгєл нь харин миний зvрхэнд бий
Би чамдаа хайртай

Мандаагүй байсан ч наранд би итгэдэг
Мөргөөгүй байсан ч бурханд би итгэдэг
Хараагүй байсан ч чамдаа би итгэдэг
Хамгаас илүү хайрандаа би итгэдэг

Галзуурсан дурлалын мананд төөрсөн би
Ганцхан чамд л хайр сэтгэлээ зориулж
Гарцаагүй тохиох тавилангийн эрхээр би
Гал халуун хайрандаа сөхөрсөн.
Даруу дөлгөөхөн занд чинь татагдсан
Дандаа л тэвэрт чинь байхыг би хүснэ
Дун цэнхэр тэнгэрийн шувуухай юм шиг
Дураараа цэнгэн жаргамаар байна чамтай
Ганцхан чинийх байх гэсэндээ ч юмуу
Гайхалтай хайрандаа шатсан ч юмуу
Бусдаас чамайгаа дэндүү харамлана
Бухимдаж дотроо хардаж шанална.
Дандаа тэвэрт чинь байхыг би хүснэ
Далай орчлонд 2улаа л юм шиг санагдана.

Чамтай зөвхөн учрах гэж 100 жил хүлээсэн
Чамтай л зөвхөн уулзах гэж 100 хоног уйлсан
Чамайг л зөвхөн зүүдлэх гэж 100 шөнө шаналсан
Чамаар л зөвхөн хайрлуулах гэж 100 хүнийг орхисон

Чамд зориулсан бүхэн ус адил үл тогтох
Чамд зориулсан бүхэн ус адил үл харагдах
Чамд зориулсан бүхэн ус адил үл үхүүлэх
Чамд зориулсан бүхэн ус адил үл амьдруулах
Чиний явсан зам ус адил хаашаа одох нь үл мэдэгдэх
Чиний үлдээсэн мөр ус адил маргааш ширгэх
Чиний гайхам харц ус адил үер буулгах
Чиний ялдам инээд ус адил багтаж ядан цалгих....

Чиний бүхэн ус адил үл таагдах
Чиний бүхэн ус адил үл хөдлөх
Чиний бүхэн ус адил үл арилах
Чиний бүхэн ус адил үл үлдэх....

Ухаарч бай гэж амьдрал заяадаг
Уучилж бай гэж сэтгэл заяадаг
Хайрлаж бай гэж зүрх заяадаг
Хайрлуулж бай гэж хайр заяадаг

Өөрөө ч мэдэлгүй боддог нь үнэн үү
Өөр хэнийг ч биш ганц тэр гэдэг гэсэн үнэн үү
Алсханаас ч болов харах гэдэг үнэн үү
Амьдаралаа холбон төсөөлдөг гэсэн үнэн үү

Нойрондоо ч зүүдэлдэг гэсэн үнэн үү
Нэг л мэдэхэд боддог гэсэн үнэн үү
Таарах гээд хүлээдэг гэсэн үнэн үү
Тавилан заяа минь гээд хайралдаг гэсэн үнэн үү

Хайртай хонгор чамдаа хамраа өгсөн ч яахав
Хамар байсан газраа хаймар наасан ч яахав дээ хэхэ